حلم .. وشمس. . وعصافير
.......................................
مهما يطول النوم .. لابد الشمس هتشرق
ومش هتبطل يوم.. عصافير الدنيا تزقزق
عيش خليك مبسوط .. غني الحلم ف مواويلك
اوعه الحلم يموت .. حتى ولويطول ليلك
اياك صوت الجرح .. يعزف لك غنوه حزينه
افرح دي حلاوة الفرح .. تمحي عتمة ليالينا
غني لبكره الجاي .. وطفل ومستقبل احلى
قول للاحزان باي باي .. ده الفرح صديق الرحله
واكتب ع الدمعه وداع .. وفراق بلا اي رجوع
خلي الافراح انواع .. ف قلبك دايما مطبوع
وازرع شجرة احلام .. وارويها بحب الخير
علشان تطرح قدام .. فرحه لطفل صغير .
ليست هناك تعليقات:
إرسال تعليق