وسط الدموع والآه .. بتسافر الضحكه
تصادفنا هموم الحياه . نغير السكه
ونتعلم حاجات .. ونكره حاجات .. ونخسر حاجات
وننسى اجمل حاجات .. ومن كل الحاجات .. تفضل الذكريات
وسلامى للضحكه اللى سافرت من سنين
سلامى لاحلى ايام واحنا لسه صغيرين
سلامى لابن البلد اللى اتغرب ونسي الحنين
وسلامى لكلمه حلوه كانت تسعد قلوب ملايين
==========================
سلامى لأحلى وشوش غابت عننا
سلامى لناس حتى وهم هنا مبقوش هنا
سلامى لوشوشنا البريئه فى اول عمرنا
وسلامى لانسان علمته حاجه وعملها فيا انا
=========================
سلامى للذكريات الحلوه فى كل مكان
سلامى لكلام حلو شخبطنا بيه الحيطان
سلامى لكل قلب طيب عرفته زمان
وسلامى لكل انسان بيعرف معنى الانسان
ليست هناك تعليقات:
إرسال تعليق