ليلة رأس السنه
************.
.
زمان .
.
.
ايوه كان من سنين
زمان فى اكتوبر٧٣
طلع البطل من داره
علشان يبدأ مشواره
وامه بتوصله للباب
وبتديله افضل كتاب
حط المصحف فى الجيب
ولف وخلاص هيغيب
ودمعة امه بتداريها
بس هو حس بيها
لف وابتسم واترمى على كتفها
وخبى دموعه الحزينه وقال لها
اضحكي يا ام الشعر الحرير
دي ضحكتك بلاقي فيها الخير
و لما ارجع فى رأس السنه
هجيب لك جلابيه ملونه
ضحكت وقالت الشعر الحلو شاب
قالها بس قلبك لسه مخليكي شباب
ياللا بقى عايز اشوف الابتسامه
قالت يكتب لك فى كل خطوه سلامه
ضحك وقال خدي بالك
من اللي بالي بالك
وبص هناك
على الشباك
ضحكت الام الذكيه
وقالت متخفشي دي ف عنيه
وحطت ايدها على كتف الضنا
ضحك وقالها هجيلك فى رأس السنه
ومشي .. والحرب قامت .. والبطل فيها
وانتصرنا .. والبطل شهيد .. بحياته يفديها
ورجعوا تاني الابطال
والام مستنيه اغلى الرجال
واللي على الشباك ..هناك
اتزوقت لأجمل استقبال
بس الخبر اللي وصل
رحيل الشهيد البطل
وآه لو يتوصف قلب أم
كنت اقولكم يعني ايه تطبطب وتضم
.
.
.
وفاتت رأس السنه
وفاتت كل سنه
والام بتروح لمكان الشهيد
وتاخد معاها البنت اللي حلمت بيوم العيد
والام بتكتم دمعه وبتحاول تبين قوه
وياما التراب بيداري ناس حلوه
قالت الام للبنت عيشي حياتك وانسيه
قالت البنت وصاكي عليا ومش هكون غير ليه
.
. وكفايه نيجي عنده هنا
ونجيب له علم مصر فى رأس السنه
ليست هناك تعليقات:
إرسال تعليق