حتى لو مشيت دلوقتي
حتى لو خلص وقتي
حتى لو اندفن جسمي
على باب بلدنا اكتبوا اسمي
ابن مصر
ده انا ابن مصر واسألوها
ياريتكم زيي بتحبوها
دي غاليه اوي عندي
دي ام البلاد بلدي
واحنا ولادها حراس بيبانها
بالدم نروي سنابل غيطانها
ولو موتنا ولو حتى اتنسينا
هتفضل بلدنا مهما مشينا
والسلام امانه لما نمشي
لام في بيتنا بتحلم بوشي
قولولها تبطل زعل
قولولها ان ابنك بطل
وامسحوا الدمعه لو سالت
وسامحوها وقت زعلها عليا مهما قالت
وخدوني عندها تطل عليا
هشوفها بقلبي لو ماتت عنيا
خلوها تطبع بوسه فى جبيني
خلوها تدعي لي لو كله نسيني
وحشتيني يا اللي بتصرخي وتقولي ابنك
وحشتيني وكان نفسي اعود اسكن في حضنك
يارب ربنا يديكي بعدي كل صبر
واوعي تنسي زي ما انا ابنك انا ابن مصر
ابن مصر
ليست هناك تعليقات:
إرسال تعليق