ياه .. بقى جاي تزودي لي جرح قلبي
جاي تقولي بكره فرحتى وهحتاج حبايبي
بقى بعد عمري .. وبعد سهري .. وبعد حبي
جاي تقولي لي محتاجه تقف جنبي
ياه جايه لي انا .. بتطلبي مني جدعنه
مش تقولي الاول ده فرح ولاجنازة حبنا
حاضر .. هاجي .. وابارك ..واشارك
واعتبري حضوري تعويض ورد اعتبارك
تغويض عن كلامي الحلو اللي سمعتهولك
هتلاقيني بكره قبل كل ناس ناويين ييجولك
وقبل منهم هشيل وارص
ما انا لما اساعد مش هخس
اسكت ياقلبي .. هس هس
متخليش بحالك مخلوق يحس
ياللا ساعد الناس بذمه
ياللا قول زود ف همه
رصوا لها المخادد ع الدكك
وافرشوا لها الرمله ف السكك
زعرتي ياللي انتي مش سامعه
زغرتي زودي فوق كشف الدموع دمعه
ولو لقيتني بضحك اعتبريني مش انا
دي مش فرحتى دي ملامح جدعنه
وحاسبي عليها وانتي بتقيدي الشموع
رغم ان نار الشمع اهون من حرق الدموع
حاسبي .. وانتي بتمري من جنبي
حاسبي من الوجع اللي متخبي
ياللا افرحي ياعروسه واتهني
حاسس الناس بتبكي مش بتغني
فستانك الابيض انا شايفه ليه غامق
حتى لون الزينه ع الفرحه مش لايق
وانت بقى يا عريسنا
ياللي ولا انت حاسسنا
بس اوعه يغرك ضحكي
اصل انا متعودتش ابكي
علمونا البكا مش طبع الرجاله
حتى لو كنا كمان في اسوء حاله
انما القلب بيصرخ ويموت ..
تعالى شوف بنفسك وتعالى
بس اوعه تقرب اوي من قلبي
انت مش حمل الدمع المتخبي
اوعه تفكر اني الليله جاي لك
ده انا جاي اجاملها مش بجاملك
جاي لعروستك الحلوه الاصيله
اصل ليها عليا مليون جميله
وجاي الليله دي ارد الجمايل
كان لازم اجي ومليش بدايل
ولو اعتبرت اني جاي لك بجاملك
ولا يهمك .. لما اشوف بقى رد فعلك
واهو النهارده عندك بكره عندي
هاتها معاك بكره وتعالى عزي
عزي وامشي بس من
وسكات
واوعه تسألني مين اللي مات
بص في وشها وهي بتسلم عليا . بص ع السلامات
هتعرف لوحدك مين اللي مات
اللي مات .. قلب .. ومشاعر
واخلاص وحنيه وذكريات.
امشي .. وخدها ف ايدك وياللا من هنا
هي بس اللي تعرف ان دي جنازة حبنا .
اللي مات قتلته هي مش مات
اصل اللي مات كان اسمه .. اسمه حبنا
جاي تقولي بكره فرحتى وهحتاج حبايبي
بقى بعد عمري .. وبعد سهري .. وبعد حبي
جاي تقولي لي محتاجه تقف جنبي
ياه جايه لي انا .. بتطلبي مني جدعنه
مش تقولي الاول ده فرح ولاجنازة حبنا
حاضر .. هاجي .. وابارك ..واشارك
واعتبري حضوري تعويض ورد اعتبارك
تغويض عن كلامي الحلو اللي سمعتهولك
هتلاقيني بكره قبل كل ناس ناويين ييجولك
وقبل منهم هشيل وارص
ما انا لما اساعد مش هخس
اسكت ياقلبي .. هس هس
متخليش بحالك مخلوق يحس
ياللا ساعد الناس بذمه
ياللا قول زود ف همه
رصوا لها المخادد ع الدكك
وافرشوا لها الرمله ف السكك
زعرتي ياللي انتي مش سامعه
زغرتي زودي فوق كشف الدموع دمعه
ولو لقيتني بضحك اعتبريني مش انا
دي مش فرحتى دي ملامح جدعنه
وحاسبي عليها وانتي بتقيدي الشموع
رغم ان نار الشمع اهون من حرق الدموع
حاسبي .. وانتي بتمري من جنبي
حاسبي من الوجع اللي متخبي
ياللا افرحي ياعروسه واتهني
حاسس الناس بتبكي مش بتغني
فستانك الابيض انا شايفه ليه غامق
حتى لون الزينه ع الفرحه مش لايق
وانت بقى يا عريسنا
ياللي ولا انت حاسسنا
بس اوعه يغرك ضحكي
اصل انا متعودتش ابكي
علمونا البكا مش طبع الرجاله
حتى لو كنا كمان في اسوء حاله
انما القلب بيصرخ ويموت ..
تعالى شوف بنفسك وتعالى
بس اوعه تقرب اوي من قلبي
انت مش حمل الدمع المتخبي
اوعه تفكر اني الليله جاي لك
ده انا جاي اجاملها مش بجاملك
جاي لعروستك الحلوه الاصيله
اصل ليها عليا مليون جميله
وجاي الليله دي ارد الجمايل
كان لازم اجي ومليش بدايل
ولو اعتبرت اني جاي لك بجاملك
ولا يهمك .. لما اشوف بقى رد فعلك
واهو النهارده عندك بكره عندي
هاتها معاك بكره وتعالى عزي
عزي وامشي بس من
وسكات
واوعه تسألني مين اللي مات
بص في وشها وهي بتسلم عليا . بص ع السلامات
هتعرف لوحدك مين اللي مات
اللي مات .. قلب .. ومشاعر
واخلاص وحنيه وذكريات.
امشي .. وخدها ف ايدك وياللا من هنا
هي بس اللي تعرف ان دي جنازة حبنا .
اللي مات قتلته هي مش مات
اصل اللي مات كان اسمه .. اسمه حبنا
ليست هناك تعليقات:
إرسال تعليق