واقولك ايه .. !!!!
""""""''"""'''''"""""'''''''''''
لو مفهمش اهتمامنا ده كله
ايه تانى بعد كل ده هنقوله
مفهمش ليه ان كل كلمه وكل حرف وكل نقطه كتبتها
مفهمش ليه انها عشانه مش علشان حد تانى رتبتها .
حتى الكلام اللى متخبي وسط السطور .
اكتر من اللى اتكتب مليان شعور .
بس غصب عنى فى الكلام معذور
حرف الجر من اللخبطه خليته بقى مجرور .
والفاعل فى كل جمله بقى كمان مفعول.
حتى اللى شاف كلامى اتلخبط وبدال امتياز كتب عليه مقبول .
وايه اقول ... وانا كل جمله بقيت شبه جمله لجمله تانى
وايه اقول .. لحاجات محتاجه يوصفها نزار قبانى .
وعايز الست و العندليب يغنوا له كل الاغانى .
ولا اقولك . خلى الكلام ساكت اصلها مش بكتر الكلام .
بكره يفهم لوحده بعد مني يعنى ايه اهتمام
ليست هناك تعليقات:
إرسال تعليق