اشارة مرور
'''''''''''''''''''''''''''''''''
.
.
.
طول ما انت ماشي وبتعيش
خلي عقلك نقطة تفتيش
اول ما تصحى صباح النور
اعمل لنفسك اشارة مرور
اللون الاحمر خط احمر
للي عايز مبادئك تتغير
ولو ظروفك بتعاندك فى الاتجاه
كمل بمبادئك فى مشوار حياه
واعمل لنفسك عادي stop
واحسبها وكمل وقول يارب
وباللون الاصفر هدي وبالراحه
خلى الخطوه بعقلك مرتاحه
اختار الوقت الصح وفوت
بعقلك حلمك مش هيموت
واللون الاخضر بقى عدي
دى فرصه فى يدك وفى يدي
وبعقلك امشي كمان وامشي
هتلاقي السكه متصعبشي
واعمل مساحه فى مجتمعك
بعملك كله اكيد سامعك
بس اوعه تشغل يوم بالك
بالناس دى ازاى باصه لك
خلي قصادك وقبالك
ان ربنا بيشوفك
فى فعلك وحتى فى حروفك
طول ما انت صادق من جوه
وانا وانت وهي وكمان هو
هتبقى الحياه احلى واجمل
وشوفنا بكره يا مستقبل
ليست هناك تعليقات:
إرسال تعليق