بسرعه كده هتودعني
هتمشي خلاص يعني
مع السلامه يا زماني
يا حبي الاخير والاولاني
حتى لما تمشي وتنساني
متدعيش عليا احب تاني.
ولو اتقابلنا تاني بكره
ولا حتى بعد فتره
مني انا متخافشي
سلم عليا عادي وامشي
لو يعني عايز تمشي تاني
ابقى امشي تاني
بس متدعيش عليا احب تاني
عايز تروح طب روح
بس اوعه اسمع انك مجروح
واوعه حاجه تغير ملامحك
ولو عليا خلاص مسامحك
ملكش اختيار ولا في بديل
مكتوب خلاص ليك الرحيل
امشي عادي واوعه تتألم
بس قبل ما تمشي ابقى سلم
وان مشيت وبعدنا وسافرنا
ولو اللقا مكتوب في قدرنا
خليني اشوفك زي بدري
اوعه تحسسني انه عدى عمري
يعني عايز اشوفك سعيد
حتى لو هتمشي من جديد
حتى لو شوفتني وحداني
ولو ناوي بردوا تمشي تاني
متدعيش عليا احب تاني
متدعيش عليا
ليست هناك تعليقات:
إرسال تعليق