راح للسلحفاه ايه بيقول
قالها ياللا نعمل بينا سباق
وعملوا للمسابقه خط اتفاق
نط الارنب بسرعه اكيد
والسلحفاه لسه بعيد
والارنب حس انه الغالب
تحت الشجره نام له فى جانب
خد تعسيله ونام ولا فاكر
وفازت السلحفاه وهو فى الاخر
راح يسألها ازاي انتي غلبتيني
قالت له بحط هدفي قصاد عيني
خطواتي بطيئيه لكن بثبات
وهغلبك انا فى كل المرات
والارنب عشان يرضي غروره
عايز يهزمها ويخلص دوره
جيه تاني يوم بسرعه وفاز
في اقل وقت وفى انجاز
قالت السلحفاه غلبتني وازاي
قالها اقتنعت بامكانيات جواي
بخطوات سريعه وثابته كمان
هغلبك انا وفى كل اوان
وقالت له السلحفاه بكره هنتسابق
وهنشوف مين اللي يسابق
بس هنغير مسار السبق
وجري الارنب وانطلق
والسلحفاه ورا لسه بتمشي
والارنب بيجري ولايقفشي
وفجأه وهو بيجري وفايز
لقي بحر خلاه وقف عاجز
وقف وخاف يعدي ويغرق
والسلحفاه وصلت وعدت وقدرت تسبق
قالها الارنب ما تيجي بينا
نعمل فريق مع بعضينا
ونسابق مع كل اللي حوالينا
ونحدد اهدافنا جوه عنينا
وفعلا بدأوا بكل موده
في فريق واحد وبايد وحده
الارنب بيشيلها وبيجري قوام
وهي تعديها البحر وبسلام
وعشان كده دايما فايزين
لانهم فريق واحد متعاونين
ليست هناك تعليقات:
إرسال تعليق