من بين قصص الغرام
فيها اللى ميتقالش بكلام
وشوفوا معايا قصة 2 عشاق
لسه محدش كتبها فى اوراق
قابلها .. وعرفها .. وقالها ..وقالت له كلام ميتوصفش
وقالها انتى الحقيقه .. وقالت له انا وياك مبخفش
وليلة عمرهم كانت اجمل ليالي العمر
.. والسنين الحلوه بعمرها القصير تمر
ويوم يشد يوم .. وشهر يجر سنه .. وتفوت السنين
وآه .. و1000 آه .. لما يتغيروا العاشقين
ابتدا يتعود ينسى الذكريات
وبدأ يمل من سماع اجمل الحكايات
.... وبعد وقت من الخلاف .. برضو هى على حبهم بتخاف
بس هو كره الوش القديم ..
نسي الورده اللى فتحت فى احلى شم نسيم
ومشي .. وهى مشيت .... مبقيش على العشره وهى بقيت
ولفت سنين .. واتغيروا العاشقين ..
ودخل صاحبنا فى كل شات .. وبعت طلبات صداقه لكل البنات
بيدور على لحظات سعاده فى الفيس والنت .
نسي خلاص ذكرياته مع احلى بنت
وفى يوم وهو بيقلب فى الجروبات
وبيبعت طلبات الصداقه للبنات
لقى طلب صداقه فى صفحته
والاسم صديق غالى من صحبته
وصورة قلب ابيض جميل
.. قاله فينك من زمان ياصاحبي الجميل
ليه اتغربت وانقطعت اخبارك
ليه طولت عليا انتظارك
من غير ما تقولي عنوانك فين
ده احنا كنا اكتر صديقين
.. وفضل يحكيله الحكايات
ودردشته مع كل البنات
وكل يوم صاحبه يسمعه ويحكى معاه
وقال صاحبنا انت اغلى صاحب فى الحياه
انت اللى غالي على قلبي
انت فعلا من الدنيا صاحبي
انت اللى السعاده لقيتها معاك
انت صاحبي اللى مقدرش انساك
.... وكان الرد .. بس انا مش صاحبك
انا الوش القديم اللى عشت العمر جنبك
ورغم كل اللي حكيته معايا برضو لسه بحبك
وكان كل همى ابعت لك كل لحظه سلام
................ وهنا مع الاسف وقف الكلام
ليست هناك تعليقات:
إرسال تعليق