من كتر اللى مشيوا واللي سافروا
واللي نسي زمانا ومبقاشي فاكره
وعدوا كده على سنيني وعبروا
وكتبوا اساميهم في احلى الدفاتر
مشيوا ولا حد اليوم ده فاكر
شيلت اساميهم من الدفاتر الجميله
وبقيوا خلاص زي اي ليله
مروا زي مرور الكرام مروا عليا
حتى لو رجعوا مره تاني ليا
اتفضلوا .. بس دي عزومة مراكبيه .
خلاص ..
اتملى دفتر العابرين
من كتر الاسامي المكتوبين
بهتوا زي كلام السطور
ياترى مين عليه الدور
مين هكتبه في السطر الجاي
مين مش هيكمل تاني معاي
مين اللي هيمشي واقوله باي
ومين هينسى السنين
فى دفتر العابرين
ليست هناك تعليقات:
إرسال تعليق