.......
( مأخوذه من قصه حقيقيه حدثت في تايلاند)
...........
كان الولد الصغير .. وامه فى لحظة موت
مش لاقي تمن الدوا . ولا حتى لاقي القوت
وامه مريضه على السرير
ايه الطفل الصغير
مش لاقي مال ولا اب
معندهوش غير البكا والحب
وتمن الدوا غالي عليه
طيب يعمل ايه !! حد يقوله يعمل ايه !
طلع من بيته يتمشى وبشويش
رغم انه مداقش الطعام والعيش
يمشي بالراحه شويه شويه
لحد ما وصل الصيدليه
دخل بالراحه يسرق
شافت الصيدلانيه فى موقف محرج
لمحه صاحب مطعم القريب
والطفل منظره محزن كئيب
قرب منه ودفع له تمن الدوا
وقال لبنته هاتي له اكل جريت زي الهوا
والطفل عزة نفسه ياسلام
لما مسك الدوا والطعام
جري بيبكي والحزن في عينيه
لما شاف حنية الراجل وبنته عليه
.
وعدي يا ايام
دوري بسرعه قوام
وبعد ٣٠ عام
عدي يا اياااااااام
دوري بسرعه قوااااااام
وبعد ٣٠ عام
كان صاحب المطعم عمره كبير
وبقيت امراضه كتير وكتير
وفي يوم من شدة تعبه
المرض الاسي غلبه
وقع الارض وبنته جريت عليه
لمستشفى هناك وراحت بيه
وقالوالها ابوكي ده محتاج
لتكاليف كتيره في العلاج
باعت المطعم وميكفيش
بتبكي جنبه وتتمنى يعيش
ومن كتر البكا نامت
ولما تاني يوم قامت
لقيت الحساب مدفوع
ورساله فيها كل الموضوع
بتقول الرساله الحساب واصل تمام
من زمان من حوالي ٣٠ عام
الحساب كان دوا امي والطعام
انا طبيب في المستشفى هنا
منسيش جميلكم من ٣٠ سنه
ليست هناك تعليقات:
إرسال تعليق