و..سلم لي على قلبك

راجع
.
.
.
تاني
.
.
راجع
.
.
.

.
.
.

.
راجع .. طيب تاني ليه !

ضحكتني يا اسمك ايه !

اقولك ايه بس قولي انت اقولك ايه !!!!

بقى جاي تشرح لي فى تعبك

طيب حسسني انه ده من قلبك

بقى بذمتك مش مكسوف على .....

ولا بلاش الكلمه ديه بلاش

ايه فايدتها لو قلبك محسهاش

بذمتك .. ولا بلاش بذمتك

ياريتها صافيه زي ضحكتك

بس بقى اسكت ومتضحكشي

مش بقولك عشان تضحكها في وشي

امشي بقى من قدامي

مش عايز ارجع في كلامي

بقولك ايه بقى مش ناقصه

بلاش بقى من دي البصه

امشي بقى وعيش ف الدنيا

او لما تكلمني بص الناحيه التانيه

ده انا كده قربت اقولك معلش

وكأنه اللي حصل منك محصلش

طيب قولي انت اعمل ايه فيك !

يعني ارفع ايديا للسما وادعي عليك !!

روح ... الهي يارب يخلي لك عينيك .

وقلبك ...... وسلم لي على قلبك .