نعيش .. النهااااااار ما بين الدمعه والفرحه
وييجي الليل ننام ويصحى الحلم صورته مش واضحه
ويفوت الليل .. يناااااااام الحلم على وش النهاااااااار ... . نصحى .
ونستسلم لخوف خطاوينا من بكره
راضيين اوي نكون مجرد انسان ملوش ذكرى
.
ونشوف الحلم في الليل الطويل صاحي وييجي النهار يرحل
كل اللي بنعمله لو فات حلمنا قال ايه بنزعل
لا ياصاحبي اوعه تقبل
اوعه ورد الحلم يدبل
قوم وصحي الحلم فى نهارك
افتح لضوء الشمس دارك
واكتب على شعاع الشمسايه رسالة امل
لبكره وبعده وبعد بعده وسنين زي العسل
ومهما حصل قوم وكمل مهما حصل
عادي تقع .. وتتعب ده جايز وده محتمل
بس بردوا قوم وكمل
ذوق فى حلمك ياللا جمل
بكره يبقى احلى حاجه
ارسم فيه معنى السعاده
واكتب على لوحة النهار الحلم جاي
وارسم شعاع الامل جايلك ومش نساي
وذوق لوحتك بالمحبه والامان
واكتب عليها هديه من انسان.
ليست هناك تعليقات:
إرسال تعليق