بقيت معظمها ٣ كلمات
اهواك ... وهفضل معاك
ومعلش مضطر انساك
اول ما يقابلوك
عن الاخلاص يكلموك
كأنهم معجونين بالوفاء
كأنهم ملايكه وابرياء
وتبدأ الكلمه الاولى
اهي كلمه بتتقال بسهوله
وفعلا بتكون من قلبهم
فعلا بيكون صادق حبهم
ويشوفوا فيك كل الميزات
في اول كلمه من ال ٣كلمات
ويحلفولك انك مبتتنسيش
انت وبس وتاني مفيش
وبيحبوا فيك حتى السكات
وبص على تاني كلمه من الكلمات
يقولك معاك للأخر
هفضل تملي انا فاكر
لأخر سكتك وياك
دايما هفضل معاك
ويبتدي يعدي لك حاجات
صغيره بيحسبوا انها غلطات
حاجات عاديه بيحسبوها عليك
يمكن غصب عنك مش بأديك
ويفكروك بيها ويقولوا هنعديها
طيب لما هتعدوهالي
ليه كل شويه تعدوهالي
يقولولك عشان بنهواك
وهنفضل دايما معاك
مهما تكون الغلطات
وشوف تالت كلمه من الكلمات
في اول ماتبان غلطه كبيره
تبقى بالنسبه لهم اللحظه الاخيره
كأنهم فاكرين انك ملاك
ويقولولك معلش مضطرين ننساك
الله .. طيب فين كلمة بهواك !
مش انتوا اللي قولته هنفضل معاك !!
عجبي على ناس بتحب ملامح وشوش
ولما يلاقوك بتغلط اول ناس مبيرحموش
عجبي اومال فين بقى الرومانسيه !!
صدقوني علاقتنا كلها ديه
محتاجه كلمه افضل من ١٠٠
محتاجين بدل ال٣ كلمات كلمة انسانيه
ليست هناك تعليقات:
إرسال تعليق