متصعبهاش .. بلاش ايوه بلاش
مش صعبه .. انت اللي مصعبها
عيد حساباتك .. وافكارك رتبها
ليه بتحمل نفسك فوق طاقة البشر
ليه واهم نفسك ان ليلك عتمه مفهوش قمر
ليه عايز تعيش فى دور السجين
قوم اقف امشي .. هتقف ليه ولمين !
مشكلتك انك بتخاف .. زي الناس الخايبين
بس انت مش خايب .. ايوه انت مش خايب
ده انت ابتسامتك ونجاحك بيسعد كل الحبايب
تبقى مش خايب ... صدقني مش خايب
بس محتاج تبقى عقلك .
عقلك انت مش عقل تاني
محتاج تصحي املك
وتسقيه بجد من شط الاماني
وتبص ع النهار بعيون السعاده
وتتمنى الفرحه وكمان سكر زياده
حتى قهوتك .. من النهارده اوعه تشربها ساده
خلي طعم السكر .. في حياتك تاني يظهر
واكتب على حلمك ( جاي فى السريع )
واكتب على قلمك ( كلامنا مش هيضيع )
واكتب على قلبك المهنه والعنوان
شارع الابتسامه متفرع من الامل وساكنه الانسان
ليست هناك تعليقات:
إرسال تعليق