*****************
دخل يتسحر ياناس
وشكله تقوله ك باب
طلب ٢٠ شوب اناناس
و١٠٠ وجبة كباب
الرغيف فى بقه لا بان
وبيقول امتى ال فطور
كأنك بتشوف لبان
لامؤاخذه يعني ف تور
وبعد السحور حلىٰ
وطلب ١٠ بسبوسه
ومهلبيه خلص حله
وع ايده باس بوسه
حاول ياكل زياده
ومنعته اصوات المدافع
شاف الحساب قال زياده
وحلف ما كلت ومادافع
جاله المدير يا ساده
وحواليه كتير غفر
قاله مشربتش غير قهوه ساده
ويا بخت اللي سامح وغفر
قال المدير مدام عصى
كسروا له كل الضروس
من جوعه اكل العصا
واهي مش ببلاش الدروس
ومن يومها صاحب المحل
فضل للغربه ساحبنا
وحلف ابدا ما احل
فى بلد فيها صاحبنا
ليست هناك تعليقات:
إرسال تعليق