""'''""'''""""""""''''''"""""
صوره مش حلوه واللون الاسود بقي ماليها
فى ليله طويله مش باين قمر فيها
ياللا ايدك فى ايدي نعيد صياغة معانيها
وناخدها على شط الاماني فى احلى مكان نوديها
نمسح لونها الاسود وبأجمل الالوان نحليها
ياللا ارسم معايا ولون وحط لمستك فيها
باللون الوردى زخرف بيه حدود الصوره وحليها
وباللون الاحمر حط ورده فى كل ركن يزوق لياليها
اما اللون الاخضر لون زرع اخضر بيدى الجمال ليها
وباللون الازرق هنرسم ونلون نهر جميل بيرويها
وباللون الابيض ارسم قلوب صافيه الخير احلى معانيها
واكتب فى ضهر الصوره تذكار جميل واحلى ذكرى خليها
واكتب هديه من انسان عاش العمر يزوق فيها
لانسان فى كل مكان نقدمها له هديه حلوه يتهنى بيها
لكل صديق واخ واحبه وناس مش ناسي اساميها
ولكل طفله وطفل صغير حقهم يتمتعوا بيها
واكتب عليها دى احلامنا اللي احنا بنحلم نحلي معانيها
ومتنساش تبقى تاخدها على شط الاماني وتوديها
دى صوره بنحلم بيها ..... ايدك معانا وشارك ببصمتك فيها
ليست هناك تعليقات:
إرسال تعليق