منوعات
"’'’'"""""""""' اسماعيل ياسين والشاويش عطيه فى رمضان ---------------------------------------- الشاويش : انت ياعسكرى اسماعيل اسماعيل : يا قهلا يا قهلا بأحلى فيس فى الجيش الشاويش : انت مزوغ من الخدمه وبتعمل ايه هنا فى السيبر يا عسكري اسماعيل : معلش يا شاويش كنت بدور على ضحكه فى الفيس بوك . الشاويش : طيب قولى وانا اضحك لك .. هو فى احلى من ضحكتى انا ! اسماعيل : معلش يا شاويش بلاش انت ده انت المره اللى فاتت لما ضحكت فى وشي اخدت بسببك ٧ غرز وبُقي معرفتش اقفله ٣ايام الشاويش : وبتدخل ليه هنا على صفحة الكروان ياعسكري اسماعيل : ابدا يا شاويش كنت عايز ارسم ضحكه كبيره بمناسبة الشهر الكريم الشاويش : طيب قوم خليني ادخل ع الفيس مكانك يا عسكرى اسماعيل : وليه الاذيه دى بس ياشاويش ما تخلي الناس مبسوطه الشاويش : كده طيب ياعسكرى انا بامرك تدينى الايميل بتاعك وكلمة السر اسماعيل : معلش اخر مره ياشاويش الشاويش : لا ممكن ابدا نفذ الامر يا عسكرى اسماعيل : حاضر ياشاويش اسم الايميل ابو ضحكه جنان .. الشاويش : وكلمة السر يا عسكرى اسماعيل : كلمة السر دى سر بقى اقولهالك ازاى ولو قولتهالك متبقاش كلمة سر الشاويش : عندك حق يا عسكرى خليها فى سرك اسماعيل : اى خدمه تانى يا شاويش الشاويش : ياللا نقول كلمه حلوه لاصدقاء الكروان بمناسبة شهر رمضان اسماعيل : انت تعرف الكلمه الحلوه انت يا شاويش عطيه !! الشاويش : تقصد ايه يا عسكري اسماعيل : ابدا ابدا ياللا نقولهم متنسوش الضحكه الحلوه الشاويش : والضحكه اللى من القلب ليها طعم تانى . اسماعيل : ربنا يسعدكم ويفرحكم يارب الشاويش : ويارب رمضان السنه دي يكون كله خير اسماعيل : يارب يا اخويا يارب |
ليست هناك تعليقات:
إرسال تعليق