************
مع الاسف
كله اتغير واختلف
محدش خلاص زي الاول
كل وش عرفته اتبدل
سبحان الله في امرهم
بيستخبوا من ملامح وشهم
بيرسموا لنفسهم وش تاني
ياه .. كان لايق عليهم الوش الاولاني
ركبوا كل موجه زي غيرهم
ياخوفي لا يموت جواهم ضميرهم
ياه .. فعلا انتم مش انتم
بقيتوا خبر كانَ وكنتم
بس على فكره فى الاول كنتوا اجمل
ليه سبتوا وشكم الاصلي يرحل
مش لايق عليكم الوش المقنع
ياريته وشكم الحلو يرجع
ليه صدقتوا ان طيبة القلب ضعف
ضحكوا عليكوا وقالوا متمدوش لغيركم كف
ياخساره ع القلوب الطيبه والوش البرئ
قالوا انه الغش فهلوه ويعني جرئ
عجبي على ناس الطيبه نسيوها
تبص فى ملامحهم دلوقتي تحس بالتوهه
ايييييه .. الله يرحم الوشوش بتاعت زمان
كانت شايله اجمل ملامح لاجمل انسان
ليست هناك تعليقات:
إرسال تعليق