وابنك حي ف جنان
لو كان غاب الولا
فجاب لعدوك جنان
قالت لي وحشني اضمه
وغيابه كضرب الحرابي
اللي مصبرني ان دمه
خلصنامن وِلد الحرابي
بيتلونه ولا اي لون
عليهم لايق ولاخال
كلامهم هوا ف بلون
ولا ولاد عم ولاخال
واسألوا الرمل اللي حامي
عن عدو فوق منه سار
يقولك الرمل ربنا حامي
ودم مصر فوقي ثار
بزياده يا ام بطل
ارحمي دمع العيون
وانت يا دمع بطل
كترتك هيعمل عيون
افرح ياوطن بيغني
انشوده طول الدهر
ابنك بيتحمل ويغني
شايلك ع الكتاف والضهر
جاب لك فرحه جميله
ورسم النصر بعيد
ابدا ما يحسبها جميله
ولا بقول حتى وبعيد
يا للا افتحي شبابيكي
على بكره بلون الخضار
طول ما واعي الشباب بيكي
هنزرع رملك فاكهه وخضار
وسنابل قمحك الصفرا
تعزفك لحن كمان مع غاب
تتلم عيله ع السفره
يدعولبطل مش غاب
ليست هناك تعليقات:
إرسال تعليق