********
.
.
.
.
ليه ؟؟
.
.
.
.
.
ليه .. و١٠٠٠ كلمة ليه !
.
.
.
.
ليه انت .. مبقيتش انت ؟
اتغيرت .. طيب ليه وامتى !
يا خساره .. انت مكنتش كده
ياه .. اتغيرت ليه بالشكل ده
مبقيتش زي زمان
غاب جواك الانسان
ليه صدقت ناس غشوك
ضحكوا عليك واذوك
سرقوا الورد منك وفي قلبك زرعوا الشوك
لأ ده انت اللي زرعته بأيدك
وهموك ان ده هيفيدك
يا خساره خلاص خدعوك
برافو عليهم كسروك
طيب لحد امتى ؟
فوق بقى ياعم انت
قوم بقى وبطل خيابه
عمره الضعف ما كان طيابه
ولا عجبك شكل الاحزان
ايه موحشكش شكل الانسان .
طيب خليك كده نايم
خليك فى خيابتك عايم
وسيب قلبك عادي وضيعه
وان جالك الفرح ابقى ودعه
مش ده اللي عايز تسمعه !!!
ياعم انت ايه ما تفوق !
بقى مغمض وعايزها تروق !
ياه ... مش صعبان حلمك عليك
هتسيبه يرحل من ايديك
هتسيب غيرك يكمله
وانت اللي تعبت فى اوله
طيب هتقدر تشوف حلمك
بيحققه غيرك وتتحمله
كل ده طيب على كيفك
اللي يعيش ياما هيشوفك
ايييييييه .. اسكت بقى متقولش مبرر خيبان
م الاخر .. سلم لي ع الانسان
ليست هناك تعليقات:
إرسال تعليق