**********
سكه ..... مشاوير ..... وحياه
حاله. وناس رحاله. وعُمر ولا ننساه
.
.
.
.
.
.
تحيه للوش البرئ
تحيه للقلب الجرئ
تحيه للي كان شئ
وقرر فجأه الرحيل
تحيه للوش اللي غاب
اللي خباه التراب
ياما شال عنا العذاب
وغاب عنا فى ليل
سلامنا لحلم الطفوله
وفصلنا فى سنه اولى
وابله كانت عسوله
بتربي بصدق جيل
فينك ياصدق عزيز
وهمونا الكدب لذيذ
ناس زمان براويز
على حيطه لمعدن اصيل
سلامنا لصور الحيطان
اللي شايله ناس زمان
فارقونا وخدوا الانسان
وسابولنا الذكرى بديل
فينكم رحتوا وغبتوا
خدتوا الحلو وما سبتوا
كنتوا مهما تعبتوا
ميبانش عليكوا دليل
تحيه للوش اللي غاب
اللي خباه التراب
اللي خباه التراب
سلام يا وش اصيل
ليست هناك تعليقات:
إرسال تعليق