""""""""""""
كويس ان احنا اتعلمنا من جيل الطيبين
كويس اوى اننا صادفنا الناس المحترمين
واللي كانوا بيعلمونا واحنا لسه صغيرين
يعني ايه ...نعم وحاضر .. ومن قلبنا راضيين
يعني ايه لما الكبار يتكلموا لازم نكون ساكتين
يعنى ايه لما ست كبيره بتعدي نوقف لعب غالبين او مغلوبين
يعنى ايه لو جارنا يتألم مكناش نبقى مرتاحين
الله يرحم بقى جيل الطيبين
شوفوا بقى الاجيال بعد دوران السنين
الصغار فهموا الحريه غلط ومش حاسين
رجل على رجل قدام الكبار ويعملوا مش شايفين
مين بقى بينصح ( ولا حد ) المهم هيقبل نصيحته مين !!!!
عجبي على اجيال فقدوا الحاجه الجميله فقدوا معنى كلمة محترمين
معلش لو كلامي صعب بس انتوا اكيد حاسين
تفتكروا احنا دورنا ايه ... ولا بس مجرد متفرجين
ايدك معانا ياللا بينا نحاول نرجع جوانا صفات حلوه مسافرين
ازاى جيران واخوات فى نفس الشارع ومتغربين
ياللا بينا نعيد صياغة من جديد معاني جيل الطيبين
ليست هناك تعليقات:
إرسال تعليق