والدنيا فاضيه مصفصفه
بنفتكر ايام زمان ف ساعة صفا
ووقت العصاري والشمس بتميل مسافره
وناس طيبين مشيوا بس الاماكن فاكره
وضحكه هنا ... ودمعه هنا ... وناس حنينه .... رحلوا من كام سنه
وشوارع لسه حيطانها بتحكي الذكريات
وزرعه .. وميه ... وطفوله مليانه حكايات
وصديق مشي من زمان واتغرب
وطير جميل ينزل بهدوء م نيلنا يشرب
وطيور مروحه بنتابعها فى المغربيه
وسمك صغير بيتقلب يعمل صوت جميل ف الميه
وغناوي العندليب اعز الناس ومداح القمر
ومع صوت الست كان يحلى السهر
دلوقتي حتى الغناوي بقيت خلاص تيك اوي
يرحم مبادئ ناس كان خط السير ( وان واي )
ليست هناك تعليقات:
إرسال تعليق