ناس
.
.
وذكريات
.
.
.
.
ناس .. وذكريات .. ووشوش جايه ووشوش ماشيه
ودنيا .. ساعه حنينه .. وساعات كتير. آسيه
واحنا فيها رحالين .
يدوب ضيوف فيها يومين .
مهما مشينا ومهما نمشي بردو كمان ماشيين
اصل احنا بني ادمين
وطالما احنا مش باقيين
نزعل ليه ونزعل مين !
ليه اللي يتمنالنا خير
نجرحه الجرح الكبير
واللي يرسم لينا السعاده
ليه نسبب له ألم زياده
ليه منقولش كلمه جميله لكل الناس
ليه نبقى اسمنا انسان .. لكن بلا احساس
ليه نزعل وشوش بيدوا الحياه طعمها ولونها
ليه كلمه على لسانا مبقيناش نقدر نصونها
ليه ناس اتخلت عن مبادئ متنفعش تعيش بدونها
على ايه بقى اقولك ولا اعيد
راجع نفسك مع نفسك وابدأ من جديد
ليست هناك تعليقات:
إرسال تعليق