توم وجيري
★★★★★★★
تعالوا بينا نتصور حوار
كأنه بيحصل بين القط والفار
توم وجيري عملوا اتفاق
صداقه بالموده والاخلاق
ويبطلوا خناق وخلاف
هيبقوا اصحاب وبلا اختلاف
ياترى ده هينفع ويكون
ولا دي مجرد افلام كرتون
المهم اتفقوا مع بعض يا ساده
محدش ياكل من ورا التاني حاجه
وفضلوا على الحال ده ساعه
صداقة ايه بس بين اشكال طماعه
جوه التلاجه شاف الفار
جبنه خلت عقله طار
والقط غايب مش موجود
قال الفار اكل الجبنه قبل ما يعود
وشال فيشة التلاجه
ودخل ياكل الجبنه ياساده
وهو بياكل ولا على باله
القط بالراحه شافه وجاله
ورد القط باب التلاجه
وحط الفيشه وخلى البروده زياده
وفضل القط قدام الباب
وهو مقتنع ان الفار فى عذاب
وبعد ما عدي اليوم
فتح القط وفاكرالتلج بقى بالكوم
لكن شاف حاجه خلته يتشل
وطيرت من جواه العقل
لما بص لقى من جوه الفار
بيأكل فى قرن فلفل مولع نار
ومن كتر السخونه والحر عادي
التلاجه فى وادي وهو فى وادي
وطلع الفار والقط مدمع العيون
طبعا دي مجرد افلام كرتون .
وقال القط للفار هقلع عينيك
قاله الفار ادخل انت الدور عليك
قاله القط احنا مش اتفقنا صداقه بذمه
قال الفار انا كلت الجبنه وسبت لك عضم ولحمه
طلع القط لسانه
وفى الباب حدسنانه
وقال القط خلي الفيشه متشاله
اوعه تعمل حركت نداله
قاله الفار عيب يازميل
ده انا لازم ارد لك الجميل
ودخل القط يدور على الفلفل
خاف من الفار انه يستندل ويقفل
وفعلا ده هو اللي حصل
دخل القط والفار قفل
وحط الفيشه والسرعه زياده
ومفيش فلفل جوه التلاجه
وجري يستخبى الفار
وجيه بعد فتره صاحب الدار
فتح التلاجه لقيها زحمه
والقط متلج لازق فى اللحمه
ونسيبك تتصور باقي القصه
اصل القصه مخلصتش لسه
ياترى ايه ممكن يكون
بس متنساش انه دي افلام كرتون
وغلطان اللي يصدق ييجي نهار
وتحصل صداقه بين قط وفار
ليست هناك تعليقات:
إرسال تعليق