ضحكتهم جميله .. وسهركل ليله
لحد الفجريه ماتقرب .. ومن ضحكتهم كله يستغرب
ضحكه بصوت عالى .. بيعرفوا معنى صديق غالى
============================
وكانت هى الحبيبه .. من ال2 قريبه
كل واحد بيحبها بشكل .. حب بالقلب والعقل
ونزلوا الميدان ..فى الثوره نزلوا الميدان
بس كل واحد فى طرف ومكان
والناس كتير وكل واحد مبدأ .. نار بتقيد ومش بتهدأ
والطرفين اتقابلوا ذى حرب .. كله فى بعضه شغال ضرب
وهنا وقف الصديق لمحه صديق عمره .. وقف الزمن ومش بأمره
بصوا لبعضهم والسلاح فى ايديهم .. وهى واقفه وسطهم بتخاف عليهم
=========================================
والرصاصه طلعت من سلاحه .. برصاصه واحده سنين العمر راحو
وقع الصديق على الارض ميت .. وهى ياناس بتبكى وتصوت
قتلته ليه ..قتلته ليه .. قالها قتلته عشان الوطن
بكت وقالت هو اللى كان معنى الوطن
الوطن انسان .. مش مكان .. انسان الوطن
=========================
بص فى زهول على الارض لمحه .. ازاى قتله وازاى جرحه
هزه بأيده بس ياخساره ايده مش هتعيده .. الندم بعد الموت خلاص مش هيفيده
قالت له قوم خلاص الوقت فات . صديق عمرك الغالى مات
كان ناوى يجيب لى اغلى مهر .. بس كله فدا ترابك يامصر
................................................................................. فدا ترابك يا مصر
ليست هناك تعليقات:
إرسال تعليق