خلى كلامك لما بيتقال
يكون بتواصل دايما فعال
والكلمه الصعبه بدلها
بكلمه حلوه ياريت قولها
.بص معانا على الموقف
بموسيقى حزينه وهنعزف
كان مره فى واحد شحات
اعمى وجالس فى الطرقات
ولوحه جنبه مكتوبه
فيها كلمات مش محبوبه
حد كتبهاله وسابهاله
علشان يساعدوه على حاله
والناس تمر عليه وخلاص
وكلماته فقدت للاحساس
وجات بنوته حلوه وقعدت
ومسكت لوحته وعليها كتبت
كتبت كلام غير المكتوب
كلام بيدخل جوه قلوب
كتبت يوم جميل باين ليكم
ياريت اقدر اشوفه زييكم
وقالها الشحات عملتي ايه
ردت البنوته عليه
قالت كتبت نفس القصد بمعاني
لكن كتبته بأسلوب تاني
ومشيت البنوته خلاص
وبقيت تمر عليه الناس
تقرا المكتوب بيشد قلوب وتحط المال
ادي مهاره من التواصل الفعال
.غير كلماتك .. تتغير ........حياتك
ليست هناك تعليقات:
إرسال تعليق