روحنا فين ؟
""""'’'''''''''''''''''
روحنا فين . وليه توهنا عن الشط الجميل .
وبعدنا ليه . نسينا احلامنا فى الليل الطويل .
ليه مشينا ليه ونسينا حلم و احلى ضحكه .
كنا صحاب دلوقتى ليه كل اتنين مشيوا فى سكه .
ياخسارة الاحلام . صحيت وملقتناش جنبها .
يا خسارة الايام . بعتمه الليالي جات لها .
ونمشي ليه تانى . تعالى نقف ونحسبها .
ان كان فيها غلطات ياللا سوا نرتبها .
ولا اقولك ما احنا روحنا . ايوه روحنا .
ومع الاسف مبقاش خلاص مطرحنا.
هنقول لبكره ده ايه. متنفعناش كلمة يسامحنا . .
كان حلمنا واتفقنا نحادى فيه
وشوفناه بيمشي . ووقفنا نتفرج عليه .
كأنه ميخصكش ليه . ليه سبته يمشي . ليه . هتقولي ايه !
ليست هناك تعليقات:
إرسال تعليق