ضمير أبله (حكمت)
•••••••••••••••••••
شوفوا الابله حكمت
لما المدرسه فتحت
ميعادها ادق من الساعه لما وصلت
وبصت على الطابور
بترتبوا زي السطور
مفيش حاجه اسمها تأخير ولا حد ينط سور
المدرسه يعني حُرمه
يعني طفل هيبني اُمه
عشان كده بتبني وتعلم بضمير وذمه
وشوفوا سور مدرستها
هتتعلموا من نظافتها
وكل الشوارع حواليها بيحلفوا بحياتها
وفى الطابور اتكلمت
وفى معظم كلمتها اتبسمت
كله بيسمع لها وضحت انجزت مش طولت
كلمتها سلوك حضاري
كلام واضح مش مداري
كلامها لون قلبها متوصفهوش اشعاري
وشوفوا الطفله مريم
لما فى الاذاعه بتتكلم
كلام هادف دليل على طفله بتفهم
وشوفوا تحية العلم
كله واقف محترم
مين يقدر يتهز فى تحيه بكل القيم
شكرا للابله اللي ربت
ولا اشتكت مهما تعبت
مليون مليون تحيه لضمير الابله .. حكمت
ليست هناك تعليقات:
إرسال تعليق