على خشبة مسرح دنيتنا
هنضحك وهنملا حياتنا
ونملا بالفرحه الدنيا.. وهنسعد اجمل اوقاتنا
ياللا الستاره هنرفعها
وابو ضحكه حلوه يطلعها
واللي ناوي على دمعه .. لو يسمح فعلا يمنعها
اطلع يافرح وفرحنا
واملا خشبة مسرحنا
كتفنا الحزن في الكواليس . ومش عايزينه فى مطرحنا
وانت ياللي هناك زعلان
ووشك ليه قالب الوان
تعالى قرب وتعالى . خلي البسمه الحلوه تبان
وانت ياللي انت مكشر
ولا تزعل ولا حتى تفكر
ارمي الحزن وعدي عليه . هزر وعيش طفل صغير
لا تقولي كان ولا حتى الامس
احلم معانا بطلعة شمس
وإن جات لك فرصه لبطوله . اياك ترضى تكون كومبارس
اياك ترضى تكون .......كومبارس.
ليست هناك تعليقات:
إرسال تعليق