**************
.
.
.
.
.
.
.
مهما تنزل منك دموع مهما تتعبك المواجع
قول .. مهما طال الليل ياعين فجرنا من تاني راجع
ولما تحس بأي ضيق .. ارسم البسمه على وش الصديق .. وامشي الطريق
اوعه يقف مركبك حتى لو بحر الالم أسي وغريق
مهما تيار اليأس عاندك
اياك يموت الحلم عندك
وخد من شعاع الشمس اللي راجع
وارسم لحلمك احلى طابع
ولو صادفت جرح غيرك خففه
بكلمه طيبه وصلاة نبينا تسعفه
واركب فى قطر النجاه مفيش حاجه توقفه
ولو قالولك ان الليالي عتمه والقمرايه مروحه
قول انا لسه عندي نهار جايب لي عين شمس حلوه مفتحه
ولو قالولك ان ليل يومك الأسي طويل
قولهم . انا انسان ويقيني ف رب الكون جميل
اقول يارب .. وبابه مفتوح يهون الحمل التقيل
وان صادفت فى عمري دمعه .هبدلها ابتسامه لكل جيل
واعمل زي عصفور الامل فى الحياه حر وطليق
مبدأه ثوابت اصيله وكلمته بأسلوب انيق
مظهره يشبه جوهره يغني للدنيا ارقى الاغاني
ويحط على شطنا بغنوه حلوه على شط الاماني
ليست هناك تعليقات:
إرسال تعليق