دموع تحت المطر ..
=========
كانت معاه زى ضله .
احلى كلام كانت تقوله
بس هو مفهمهاش
. وفى عز الألم محسهاش
كانت بتبكى تحت المطر
.. و بعيون حزينه تعبها السهر
قابلها هناك والمطر بيسيل
. هى بتبكى . وهو يقول جميل
جميل المطر ياسلام . وهى حزينه من غير كلام
ودموعها بتسيل وتسيل .
وكل اللى عمله طلع منديل
ووقت المطر ايه تعمل المناديل ....
وهى جوه نفسها بتصرخ من غير صوت .
وهو مش حاسس والحب كان بيموت
وقالها حاسبى المطر غرق عنيكى
امسحى مية المطر بأديكى
سابته ومشيت وحدها .
اصله مقدرش يحسها
ومشيت ..
وفى وسط السكه وتحت المطر
لقيت ايدين بتتمد ليها وانسان ظهر
قالها حاسبى الدموع غرقت ارضنا
قالت له ده المطر مش دموعى أنا
قالها لا مش مطر دى دموع بتسيل بغزاره
قالت ازاى عرفت .قالها من اللى فيها من حراره
وقالها حاسبى الدموع غطت عنيكى .
من غير ماتحكى بحس بيكى
قالت له عرفت منين .
قالها باين فى العين . من غير ماتحكى احس بيه . مهما حاولتى تخبى فيه.
قالت له ليه مش ظهرت فى عمرى بدرى . كنت اديتك كل عمرى
قالها ماليش نصيب وياكى
حتى لوحسيت باللى جواكى .
قدرى احسك.. وقدرى افهمك ..
بس قدرك غيرى يكون معاكى
قالت له انت مش زى باقى الناس
قالها الحكايه عندى اصلها احساس
ليست هناك تعليقات:
إرسال تعليق