بكره يعني ايه ؟

هو بكره يعنى ايه ؟ ايوه بكره يعنى ايه ؟ .. يعنى ايه ؟

بكره النهار الجاى . شمسي وضله وهواي
وريحة نسيم الصبح الجميل .. مع كل زهره يرقص ويميل
------------------------------
بكره ده يعنى كلمه حلوه تسعد قلوب ملايين
يعنى بسمه ولا ضحكه تسعد قلب الحزين
ولا جايز حتى دمعه تشيلها عن اى عين
-------------------------------
بكره ده يعنى طفل صغير بتحاديه
بتزرع ورد ومن الامل تسقيه
يكبر يطرح امان لكل البشر حواليه
-------------------------------
ادى بكره اللى اعرفه .. على قد حالى بوصفه
كأنه لحن غنوه وبعزفه .. وفى غنوتى بنادى عليه
هو بكره يعنى ايه ؟ ايوه بكره يعنى ايه ؟ يعنى ايه ؟