نسيت اغني

نسيت اغني

 بقى جاى تانى بعد اللى كان
..
 جاى تقولى غنى لى يا كروان

طب ما انا غنيت لك زمان ..

. غنيت لك احلى الالحان ... زمان

خلاص بقى اللحن انتهى ..

 الاغنيه اللى حبيتها انت انا كرهتها

لحن ومحسوب عليا وغنيته ...

 حب مات فى القلب وخبيته

وعايزنى اغنى ..لمين اغنى

وانت مبقيتش حته منى

... ادى اللى غنيت له  وسهرنى ..

لما تعب مع غيرى قال ايه افتكرنى

 .... اعذرنى

واعذرونى يا كل الحبايب .. ده خساره فيه كلمة حبيب

لو حتى جانى بقلب دايب .. بقى خلاص زى الغريب

... خد اغنية عمرى .. وطار غناها لغيرى

ياخسارة تعبى وصبرى .. فى ناس نكرت خيرى

مش وليفى خلاص ولا طيرى ..

 علمتك على جناحى وطرت مع غيرى

كبر قال ايه وطلع له ريش ..

 كداب لو قال مابيحبنيش

امشى بقى وعيش .

.عيش مع غيرى وانا مع ذكرياتك هعيش

يا احلى ذكرى واصعب دموع ..

 مافيش فايده تانى من الرجوع

طير مع غيرى وعلمه الطيران ...

 ولما تفتكر منى لحظة حنان

قول الله يمسيك بالخير يا كروان ...