........
حكاية قلبي اللي ملازمني من زمان
اللي كان نفسي اعلمه يكون انسان
مهما اتجرح ولا اتخان .
انه ميظلمشي في حبايبي
حكاية قلبي .
اللي كان نفسي يرسم بسمه
حتى ان كان بمجرد كلمه
ويفرح عادي وسط اللمه
ويداري فى تعبه ويخبي .
حكاية .. قلبي
حكاية قلب عانده الحظ
والصبر قاله مكنش اتعز
فتح الباب ع الاخر يابا
بكل ود وكل طيابه
كان نفسه ف وسط الغابه
انه يعيش دايما انسان .
كان قلبي وجواي مبسوط
حتى الامه من غير صوت
دلوقتي ده خرج عن طوعي
مش قابل يسكن في ضلوعي
كل حكايتي معاه وموضوعي
عايزه يعيش دايما في امان
بس ياقلبي مصمم على عيبك
جواك ذكرى مش عايزه تسيبك
واقوله ياقلبي ده شئ واهو فات
يقولي هعيش اصون الذكريات
وهفضل كده لحد الممات
مهما يطول العمر كمان
كنت ياقلبي حر و على كيفك
ليه بقيت تمليك لعيون ضيفك
وكنت ياقلب البيت الخالي
ولا ايام تفرق وليالي
ارجع بقى تعلالي .. ومتتعلمش النسيان
دي حكاية قلبي .. اللي ملازمني من زمان
ليست هناك تعليقات:
إرسال تعليق