ليه علمته الطيران ؟
★★★★★★★
كان طير جوه قفصه مين قالك تفتحه
كنت سبته فى همومه ليه جيت له تفرحه
كنت سبته فى قفصه
شلته ليه من يأسه
فتحت عنيه على شمسه
وكتب له الامل عنوان
ليه علمته الطيران
ليه علمته الطيران
فتحت باب حريته وخليته ليه يتعود
فهمته ليه الالوان مش بس لونه الاسود
خليته يشوف بعيونه
شكله الحقيقي ولونه
طار م القفص لغصونه
جرحه شوك الاغصان
ليه علمته الطيران
ليه علمته الطيران
كان فى القفص مبسوط ميعرفش ايه حريه
ما كنت سبته يموت او سبته حتى شويه
ذنبك ده تعرف ايه
انك شافك بعنيه
فتحت بابه ده ليه
مش متعود يكون فرحان
ليه علمته الطيران
ليه علمته الطيران
كان بيغمض عينه كانت ولا فارقه معاه
جيت له ترسم ليله وتدي له طعم حياه
ماكنت سبته وحيد
ليه علمته يبقى سعيد
خليته يقول ويعيد
رغم انه غاوى كتمان
ليه علمته الطيران
ليه علمته الطيران
علمته ليه .علمته ليه. ليه ليه .ليه علمته الطيران !
ليست هناك تعليقات:
إرسال تعليق