ذئب .. شرد من الجبل
....... ......... ........ .....
من المشهد الاخير من مسلسل ذئاب الجبل ..
( مسلسلات الزمن الجميل )
****************
وقف قلم محضرك
واوعه تفتح دفترك
مقتلتهاش .. صدقني يا بيه مقتلتهاش
استنى بس شويه
هتلاقيها هنا جايه
ده انا وردتي حيه .. ومقتلتهاش
......
عصام : لسه هتكدب عليا
وتاني هتقولي حيه
خلاص بقى يابدري
ما انت هربت بدري
مش هتهرب تاني .. لانك انت الجاني
هروبك زمان بقي نقطه سوده ف عنواني
نقطه سوده فى الدوسيه
هتقولي تاني ايه
انا اتعلمت يابدري
ودفعت التمن من عمري
.........
البدري : لا ياحضرة الظابط عصام
لسه موعيتش للدرس والعلام
انانيتك وطموحك صورولك
كل همك ترضي غرورك
حتى لو على حساب العدل
وتتهمني بالباطل بالقتل
بس انا مقتلهاش .. ايوه مقتلتهاش
دي وردتي اللي بتقول عليها
انها مجني عليها... رغم اني مقلتهاش
اتغيرت ونفسي الاقيها
وبجناحاتي اضلل عليها
.....
عصام : كلامك ولا هيأثر
البدري : لو ع التمن انا دفعته اكتر
دفعته من غربتي عن بلدي
لما هملت ارضي .. ومخدتش عزاء والدي
وبقيت مطارد هربان طول السنين
بنام زي ديب مفتح عين ومغمض عين
انا اللي دفعت اكتر التمن
لما هملت تقاليدي والوطن.
........
عصام : معدش يفيد مهما هتتكلم
ورده : انا اهوه يافندم
(وناحية اخوها بتتقدم )
ورده ورده ..... بدري بدري
ورده : انا المجني عليها يابيه
بتتهموه في قتلي ليه
ده الاخ الحنين ابن البلد
اللي سميت على اسمه الولد
وسمى على اسمي بنته
اصل انا وردته واخته وحبيبته
....
البدري : مش قولنالك يابيه ومسمعتناش
مش قولت لك مقتلتهاش . مقتلتهاش .
ده انا عصبي لكن مليان طيابه
ديب بس مش زي كل الديابه
انا الجاني اللي عمره ما قتل
انا الديب اللي شرد من الجبل .
ليست هناك تعليقات:
إرسال تعليق