رفرف يا طير
..... ..... .....
.
رفرف يا طير رفرف ..اياك فى يوم تقف
مهما الجناح يتعب .. مكان ما يحلالك حط واشرب
ورفرف على النيل الجميل .
املا النهار طيران وأسكن فى عش الليل
واياك تسلم للزعل . خد من نسمة العلالى الامل
وأوصل لفوق بجناح . هتحس الليالى براح
وسط الشجر سواح .. وتلاقى الغصون افراح
تعيش النهار فرحان وتنام ببال مرتاح
وخد من شمس النهار ضيك .. ما انا بحلم بالنهار زيك
بس انا انسان .. مقدرش على الطيران
لكن احلامى اكبر من براحك .. احلامى بترفرف ومليش زي جناحك
واقولك نصيحه ياطير يا اللي بترفرف
لو الجناح اتكسر أمشي ولا تقف
ولو فضلت فى الجناح ريشه
بالامل كمل واستحسن العيشه
ولينا رب كبيرهو خالق كل الوجود
وزى ما فى اشواك برضو فى ورق وورود
ومهما الوليف يرحل يمكن مسيره يعود ......... وخلى عندك امل
ليست هناك تعليقات:
إرسال تعليق