............
.
لما تحس .. ان انت وبس ... عايش وحدك البحر والذكريات
حتى اسمك كان حلو بصراحه
ياما لعبنا عندك لعبة الصراحه
كانت في قلوب بريئه ودماغ مرتاحه
ياما قعدنا على رملتك
وصوت السمك بيتقلب فى ميتك
ايه يا بحرنا ليه مبقيتش باين
لينا عندك امانه وذكريات اوعه تطلع خاين
واوعه تنسى اجمل واحلى الحكايات
وحتى لو مشيوا ناسك حافظ لهم ع الذكريات
او دمع عيونك .. من جوه جفونك ..بيسيل على خدك
اياك تبكى .. واياك تشكى ... واياك حد يحس .... لما تحس
لما تحس بشخص عزيز فى الامه
من غير ما تفكر شيل بأديك اشواك قدامه
ولما تحسه بيبكى عشانك صدق
واياك بينه وبينك مره تفرق
والدمعه اللي فى عينه ياريت تداريها
والفرحه الحلوه قدمهاله والاحزان ارميها
ووقت الفرح عيشه لغيرك والاحزان فى سرك خليها
واياك تبكى ..واياك تشكى .. لما تحس
لما تحس انك فى قلوب الناس مزروع ومعلم
اوعه تخلي بسببك قلب فى يوم يتألم
ده القلب اللي يحبك اكتر قلب تحسه حنين
ووقت ما يزعل منك حتى ان دارى برضو يبين
اصل القلب الطيب جوه يكون زى بره
عمره ما يقدر يزعل ويشيل جواه الحاجه المره
هو ده قلب اصحابك وحبايبك
واى قلب تانى مسيره وسايبك
واياك تبكى ..واياك تشكى ... لما تحس
لما تحس انك انسان متغير
جوه عيون الناس عن نفسك دور
هتلاقي جوه عنيهم صوره لنفسك
بس يارب تلاقى ما بينهم حد يحسك
وخليك دايما ذكرى جميله لكل حبايبك
وخلي كلامك صادق دايما وقول من قلبك
واواعه الدمعه المره يشوفها صديقك ابدا
اضحك خليه يفرح . ولما تفوته ابقى احزن
دايما خليك ادى الفرحه لغيرك
واياك يوم تستنى يقولك كتر خيرك
ده اللى بيعمل خير مش عايز منه
غير ان اصحابه وحبايبه فى الخير يتهنوا
واياك تبكى .. واياك تشكى .. واياك حد يحس .. لما تحس
ليست هناك تعليقات:
إرسال تعليق