قالت لى ايه احلى ما فيا . قولت لها احلى مافيكى هى
نفس الملامح نفس الخطاوى نفس الضحكه
نفس العيون نفس السكوت حتى نفس السكه
قالت لى يعنى انا انفع اكون هى
طول ما عيونها زى عنيا
قولت لها فيها حاجه مش فيكى
الحكايه مش بس عنيكى
فيها حاجه مش موجوده غير فيها هى
حاجه معرفهاش انا لكن تعرفها هى
حاجه بتشدنى ليها قبل ما ابص لعنيها
حاجه مش فيكى لكن بس فيها هى
جايز تكوني حلوه .. بس انتي مش هي
اصل هي حاجه تاني متتحكيش
جايز تكوني لونها .. لكن متشبهيش
اصل لونها .. ده حلمي لونه بلونها
والدنيا لو حلوه يبقى للي شافها بعيونها
انما تقولي لي انك زيها .. او تشبهي
ده كلام مرفوض تماما ومنتهي
ايوه يمكن فيكي حاجات فيها
بس حلاوتك كلها وجمالك ميساويش كلمه من فيها
كلمه بقى اخيره وافهميها
عيشي براحتك في ابياتي
واتصوري على هواكي كلماتي
انما تقارني نفسك بيها هي
تبقى ليلتك مش معديه
ولو كل حاجه فيكي حلوه زيها هي
اسف .. ومليون اسف .. انتي مش هي
ليست هناك تعليقات:
إرسال تعليق