==========
لملم سنين عمره فى شنطته وقرر يسافر
لاقادر يفضل هنا ولا على الفراق قادر
وخد صورتها فى شنطته .
. وطار بطيارة رحلته
لابعد حدود عن الوطن
.. وفى غربته بيقبض وبيدفع التمن
تمن غالي ميحسهوش غير الغريب
اصل الغربه صعبه وملهاش حبيب
.. المهم طول اوى فى رحلته
عشانها هى دفع التمن فى غربته
بس هى رفضت معاه مكالمه او سلام
يسأل عليها يقولوا له انها فل وتمام
وانها عايشه الحياه بطولها وعرضها
ووهو بيرفض كل كلمه مش حلوه عنها
المهم بعد ما طول فى الغياب
قرر يعود للوطن للارض والاحباب
رجع لشارعها رجع يدق كل باب
خرج له طفل من بين البيوت
قاله حبيبتك على سرير المرض بتموت
جرى عليها والناس وقفوا فى لحظة سكوت
قالوا له تعبت بعد منك ورفضت تكلمك
خافت من كلامها تحس بيها وتألمك
وشاف وردته قصاده وهى بتدبل
قالت له وهى بتبكي اوعه تنكسر او تزعل
قالها خبوا عليا انك مريضه
مصدقتش انك من غيري سعيده
دخل الطبيب ومسك ايدها وهو بيقول الله
اول مره اشوفك متمسكه بطعم الحياه
كل شئ مظبوط بس القلب دقاته ذايده شويتين
قالت له ده علشان اللى واقف قصاد العين
وخرج الطبيب وفضلوا سوا الاتنين
قالها يالااستعدى للفرح وياللا خفي
مش هحط ايد حد غيرك فى كفي
ابتسمت وهي بتبكى وقالت له لسه جنونك فيك
هقولك ايه ربنا يشفينى ويشفيك
ضحك هو بصوت عالي سمع كل البيوت
قالت له احلى حاجه شوفتك بتضحك قبل ما اموت
كتم فى نفسه صرخته .
.
ووقفت فى قلبه ضحكته
وقالها مش بادينا الموت او الحياه
نرفع ايدينا لفوق ندعي ونقول الله
ياربنا ........ وهنقول يارب ...
.
قال وقالت من جوه القلب
وقالوا يارب ......... يارب
ليست هناك تعليقات:
إرسال تعليق