نص الكلام
........ ........
.
.
نص الكلام اتقال ونص الكلام محبوس
واللي نقوله كمان نصه بيتفهم معكوس
.
ليله ف ليالينا سهر القمر بينا
نومنا وصحينا لقينا القمر فارق
وتيجي ايامنا تسرق ف احلامنا
بصينا قدامنا على توهه ومفارق
وانت يا لون صبحي يا شكلي ويا صحبي
سيب الامل يحبي ويكبر فى ايامك
اوعه يموت حلمك لو مات ولا يهمك
كفايه يعيش قلبك يجدد فى احلامك
وبكره الكلام كله هنعيده ونقوله
والصبح هندله على الحلم الجميل
صحي الكلام صحي فوق حدود جرحي
بكره يبان فرحي لو وسط عتمة ليل
ليست هناك تعليقات:
إرسال تعليق