..............
.
.
.لما الأخ بيجرح اخوه .. اللي هو ابن امه وابوه
وعن احبابه وناسه يتوه .. يبقى على الدنيا الحلوه سلام
فين انسانا بتاع امبارح ..اللي كان من قلبه يسامح
ولما تضيع منه احلى ملامح .. يبقى على الدنيا الحلوه سلام
ولما تبقى كلمة اسف .. بقى معناها ضعيف او خايف
ولما تغلط وتعمل مش شايف .. يبقى على الدنيا الحلوه سلام
فين القلب الطيب فينه.. ليه الناس بقوا مش حاسينه
ولما بطيبة قلبه ندينه .. يبقى على الدنيا الحلوه سلام
فين احلامنا ببكره نشوف .. مستقبل من غير ولا خوف
ولما هتستسلم وتقولي ظروف .. يبقى على الدنيا الحلوه سلام
قوم ياللا ودور على حلمك .. باخلاص عملك وبعلمك
وابقى بقلبك واثق من ربك .. لسه الدنيا بخير و سلام
ليست هناك تعليقات:
إرسال تعليق