الحياه رحله ... والرحله شوية مشاوير
وكل مشوار يوصلك لمدينه ..
وآه لما ترجع بعد مشوار حياتك وانت جواك وجع مدينه .
وجع مدينه
..........
تشوفها .... بتبتسم
تحس ف وشها افراح وزينه
بتداري وراهم وجع مدينه
تلمح في ضي عيونها لمعه
لو ركزت فيها تلاقي دمعه
وتبتسم .. وتداري كل الوجع في قلبها
ويترسم .... ترسم فرحه كدابه على وشها
تحسها الدنيا بتفرح تضحك تغني وترقص
وهي اساسا بتتألم وتكتم الدمعه وتحبس
واحنا بقى ولا فى دماغنا ولا شايفين
ولا حد بألامها داري ولا حاسين
احنا يدوب بس مجرد كلمتين اصعب من السكاكين
اعذرينا .... محسيناش ان جواكي وجع مدينه
.
بلاش ..
الدمعه اللي جوه عنيكي متخبيهاش
نخاف عليكي من لحظة عذاب منحسهاش
ياريت بلاش ... بلاش
خلي وجع المدينه اللي فيكي
ميكتمش تاني الحزن اللي ماليكي
.
امانه عليكي .
امانه عليكي نفضي تراب الوجع .
مترسميش الدلع وقلبك بيهرب من الدلع
وان كنا سبب لحظة وجع
ابقي اعذرينا
وحقك علينا ... ياللي نبرة صوت دقات قلبك شايله جواها ... وجع مدينه
ليست هناك تعليقات:
إرسال تعليق