اللي يحب يمشي .
اللي يحب يمشي من حياتي الله يعينه
مش هلومه مش هعاتبه مش هجيب سيرة سنينه
وان سمعت اسمه في يوم قصادي
مش هقول عنه اي كلام معادي
واللي يمكن اقوله عنه ساعتها بس
صمت يتعب لو اتفهم واتحس
بس
.بس اللي يحب يمشي
اللي يحب يمشي من حياتي الله يساعده
لو مش هصونه مش هخونه ولا ارمي لومي عنده
وان جات سيرته قدامي بكلام كتير
هسكت انا لو مش هتكلم عنه بخير
واللي يمكن اقوله عنه ساعتها بس
صمت يتعب لو اتفهم واتحس
بس
بس اللي يحب يمشي
اللي يحب يمشي من حياتي الله يسامحه
اهو ع الاقل ساب لنا ذكرى وان غابت ملامحه
وان لقيتهم نسيوا شكله ولا رسمه
هفضل اردد بيني وبيني لوحدي أسمه
واللي يمكن اقوله عنه ساعتها بس
صمت يتعب لو اتفهم واتحس
بس
بس اللي يحب يمشي .... يتفضل يمشي
ليست هناك تعليقات:
إرسال تعليق