كفوف النهايات
......... ...........
اهو بالشكل ده بتنسحب الايادي وتسيب بعضها .
اهو بالشكل ده بتسيب خيوط تعبت من شدها
وياعيني على راحة كفوف مش لاقيه راحه
وآهين على ايد مبقيتش ف غيرها مرتاحه
فى كفوف نهايات الوداع بيسلموا
كأنهم غربا لاشافوا بعض ولا اتأكلموا
كفوف بارده برود الشتا وقلوب بنارهم يألموا
بس متخبي الالم ساكت جوه العينين
دقات قلب الفراق مش واصله للايدين
ويا عين .... وياعيييييين
وياعين ع اللي نسي وبطل يحس
وخلا الفراق والنهايه سلام وبس
وتوهوا وسط سلامهم احساس حنون
ودموع سجينه مزوقه بضحكه ف اربع عيون
وكفوف نهايات الوداع بسلام وفرقه
كأنهم بيسرقوا لحظة وداع مسروقه سرقه
وكأنهم ولا عاشوا ولا كانوا ولا حلموا سوا
وكأنهم ورقة شجر ف امشير وطيرها الهوا
واللي بياخده هوا امشير ده بالسلامه
ومع الاسف خد من بين كفوفهم وخطف كل ابتسامه
حتى كان مفروض يسيب نبت جديد ف شجرتهم علامه
بس هم قلعوا جذور الود من شجرة قلوبهم
ودلوقتي خلاص شمسهم وصلت ناحية غروبهم
وكان اخر كلامهم هو يدوب سلامات
سلامات بصمت على كفوف النهايات
ليست هناك تعليقات:
إرسال تعليق