امانه عليكم
..............
اعذروا الكلمه لو طلعت من لساني
كنت اتمنى اقولها بشكل تاني
بس معلش لأني لخبطتها بأحزاني
من غير ما اقصد صدقوني
بس كنت متوقع تعذروني
امانه عليكم لما تلوموني
متعاتبونيش على زلات لساني
واعذروا الكلمه لو طلعت من لساني
الصداقه ولا المحبه اساسها عذر
مش كلمتين وطلب صداقه ولا شعر
كل ده لو حسبت قيمته ف النهايه تبقى صفر
لو مش حسيتوا باحزان عيوني
من قبل حتى ما تسألوني
امانه عليكم لما تلوموني
متعاتبونيش على زلات لساني
واعذروا الكلمه لو طلعت من لساني
الحنيه والموده والتسامح معنى اكبر
واسمى معنى للتسامح لما تعفو لما تقدر
لما تبقى الحق ليك وبحق غيرك عليك بتعذر
يبقى واجب عليكم تنصحوني
بس من غير ما تأسوا وتجرحوني
امانه عليكم لما تلوموني
متعاتبونيش على زلات لساني
واعذروا الكلمه لو طلعت من لساني
ليست هناك تعليقات:
إرسال تعليق