نسيتيه
خلاص نسيتيه
مش ده اللي كنتي بتحبيه .
ياه عشان يعني مات عمره .. اومال فين بقى الدمع اللي له بكيتيه
ياه.. مكنتش اتصور انك بالشكل ده قادره
لحقتي تنسي ازاي اللي مات من فتره
وجايه .... قال ايه قال جايه
آه ما انا اصلي الضحيه
اهدي بقى .. كفايه بكا
شبعت خداع مدهون حنيه
يعني بالعربي ولاوندي
شبعت من افلامك الهندي
خلاص بقى قلبي خلاص رافضك مهما هتجيني
اخاف بكره اموت زيه .
وبعد بكره تنسيني
.
ياه .... معقول بعد ما حبيتيه قلبك ينساه
زي اللي يكون قتلتي قلبه ومشيتي ف عزاه
ده كان بيقولك حبيبته
ده من صدقه ولا خيبته
ودلوقتي جايه بتقولي الرجوع
مين اللي قال اني لسه بتضعفني الدموع
متجيش ترسمي لي احلام وردي
شبعت من افلامك الهندي
ده انتي مصونتيش اللي قبلي. ازاي اصدق تصونيني
اخاف بكره اموت زيه .
وبعد بكره تنسيني .
.
اخاف بكره
ليست هناك تعليقات:
إرسال تعليق